Notr-Damdy 5 jylda qaıta qalpyna keltirýge bola ma - Álemdik baspasózge sholý
Ǵalymdar jattyǵý jasaýǵa yńǵaıly ýaqytty anyqtady - Science Direct
Ǵalymdar fızıkalyq jattyǵýdy keshki ýaqytta jasaýdyń tıimdiligi joǵary ekenin anyqtady. Cell Metabolism jýrnalynda jarııalanǵan ǵylymı maqalaǵa sensek, tsırkadty saǵat aǵzanyń fızıkalyq jattyǵýdy qabyldaýyna áser ete alady. Bul týraly Science Direct basylymy jazdy.
«Zertteý barysynda táýlik ýaqyty men fızıkalyq jattyǵýdyń arasynda baılanys bar ma degen suraqqa jaýap izdep kórdik», deıdi ǵalymdar. Olardyń aıtýynsha, keshke qaraı fızıkalyq jattyǵý jasaý tıimdirek ekeni anyqtalǵan. Naqtyraq aıtsaq, keshke jattyǵý jasaý barysynda kıslorod az jutylǵan. ıAǵnı, bul jattyǵýlardyń tıimdiligine dálel bola alady.
«1-alfa dep atalatyn aqýyz fızıkalyq jattyǵýlar barysynda mańyzdy ról atqarady jáne zertteýde bul aqýyz táýlik ýaqytyna baılanysty ártúrli bólinetini belgili boldy», dep jazady basylym.
Krıstına Koh ǵaryshta rekordty ýaqyt ótkizetin bolady - NASA
Krıstına Koh ǵaryshta shamamen bir jyl ýaqyt ótkizetin ekinshi ǵaryshker bolady, dep jazylǵan NASA saıtynda. Agenttiktiń habarlaýynsha, ol ǵaryshta 328 kún ótkizedi dep josparlanyp otyr. Al áıelder arasyndaǵy rekord - 288 kún jáne ol NASA astronavty Peggı Ýıtsonǵa tıesili. Al ǵaryshta 340 kúnin ótkizgen rekord ıesi Skott Kellı sanalady.
«Skott Kellıdiń aǵzasy týraly zertteýler ǵaryshtyń adamǵa áseri týraly zertteýlerge jol ashqan edi. Marsqa adam jibermes buryn ǵalymdar ǵaryshta uzaq ýaqyt ótkizýdiń adam aǵzasyna áseri týraly bilýi kerek. NASA Adamdy zertteý baǵdarlamalarynyń bas ǵylymı qyzmetkeri Djennıfer Fogartıdiń aıtýynsha, Krıstına Koh ta Qyzyl planetaǵa jetýge kómektesetin bolady.
Bıtkoın óner álemin qalaı ózgerte alady? - CNN
CNN basylymynyń jazýynsha, byltyr Devıd Hoknı esimdi brıtan sýretshisiniń eńbegi Nıý-Iorktegi aýktsıonda 90 mıllıonov dollarǵa satylypty. Biraq satylymnan túsken bir de bir dollar sýretshige berilmegen. Hoknı 1972 jyly óziniń jumysyn 18 000 dollarǵa satyp, odan keıingi satylym aqshasy onyń eńbegin sońǵy satyp alǵan adamǵa tıesili bolatynyn aıtqan. Endi sıngapýr kompanııalarynyń biri osy ádisti paıdalana otyryp óner týyndylaryn satý júıesin ózgertpek.
«Investorlar bıtkoın sekildi krıptovalıýtalar arqyly óner týyndysyn satyp alatyn bolady. Týyndy baǵalary aktsııa baǵalaryna qaraı ózgerip otyrady. Osylaısha týyndy avtory óz jumysynan tolyǵymen bas tartpaıdy. Bul jas ınvestorlarǵa da jol asha alady», dep jazady basylym. Avtordyń aıtýynsha, ınvestorlar óner naryǵy blokcheın tehnoloııalary men krıptovalıýtalar úshin keremet múmkindik ekenin aıtqan.
Facebook 1,5 mıllıon adamnyń derekterin kóshirip alǵan - VVS
«Facebook eshkimniń ruqsatyn almastan 1,5 mıllıon adamnyń poshta derekterin kóshirip alǵan. Jańa tirkelýshiler kelgende Facebook jeke paraqshanyń kilt sózin surap, elektrondy poshtalar arqyly telefondaǵy nomerlerdi kóshirip alǵan. Kompanııa bul jaǵdaıdy toqtatý úshin jańa qoldanýshylardy tirkeý júıesin ózgertetinin habarlady», dep jazady VVS basylymy.
Avtordyń aıtýynsha, bul jaǵdaı qaýipti kórinbegenimen, halyqtyń áleýmettik jelige senimi azaıǵandyqtan, kompanııanyń kez kelgen teris qımyly shý shyǵaratyn bolǵan.
«Úsh jylda Facebook esh kelisimsiz 1,5 mıllıon adamnyń nómirlerin alǵan. Sol arqyly áleýmettik jelidegi adamdardy taýyp, nomer arqyly tanystaryn usynyp otyrǵan. Business Insider basylymynyń habarlaýynsha, kontaktilerdi ruqsatsyz kóshirý 2016 jylydń mamyr aıynda bastalǵan», dep jazady basylym.
Notr-Damdy bes jylda qaıta qalpyna keltirýge bola ma? - Le Figaro
«Dúısenbi kúni Notr-Damnyń órti tolyq sóndirilmesten shirkeý aldynda Emmanýel Makron Frantsııa shirkeýdi qaıta qalpyna keltiretinin aıtsa, kelesi kúni suhbat berip, bul jumys bes jylda aıaqtalatynyn habarlady», dep jazady Frantsııanyń tanymal basylymy Le Figaro.
Avtordyń jazýynsha, shirkeýdiń qalaı qalpyna keltiriletinin, qandaı jumystar atqarylatynyn anyqtaýdyń ózine birneshe aı ýaqyt kerek.
«Mamandardyń aıtýynsha, shirkeýdi týra burynǵy qalpynda qaıta qalpyna keltirý múmkin emes. Al onyń qansha ýaqyt alatynyn naqty aıtý qıyn», dep jazady basylym.
