Notr-Dam de Parı shirkeýiniń munaralary órtten keıin qaıta ashyldy
ASTANA. KAZINFORM — Frantsııa prezıdenti Emmanýel Makron Notr-Dam de Parı shirkeýiniń ortaǵasyrlyq eki záýlim munarasyn qaıta ashty. Bul týraly BBC jazdy.
Ǵımarat munaralarynyń ashylýy alapat órtten keıin aýqymdy qaıta jańǵyrtýdyń sońǵy kezeńderiniń biri boldy.
— Bul kún kezdeısoq tańdalmady. Frantsýz bıligi halyqtyń osy demalys kúnderi Parıjdiń tańǵajaıyp kórinisterin usynatyn baqylaý palýbasyna 424 baspaldaqpen kóterilýin qalady.
2019 jyldyń sáýirindegi órt shirkeýdiń tóbesin jáne onyń gotıkalyq shpılin qatty zaqymdady. Qalpyna keltirý úshin shamamen 846 mıllıon eýro jınaldy. Jóndeý jumystaryna shamamen 2000 adam jumyldyryldy, — dep jazdy agenttik.
Qalpyna keltirý jumystaryn Emmanýel Makron jeke baqylady. Ol órt bolǵan kúni Parıjdegi ǵıbadathananyń prezıdenttik merzimi aıaqtalǵanǵa deıin qaıta salynyp, halyq úshin qaıta ashylady dep ýáde bergen.
Aıta keteıik, Microsoft Notr-Dam de Parı ǵımaratynyń tsıfrlyq kóshirmesin jasaıdy.
Sondaı-aq shirkeýge kirý aqyly bolýy múmkin.