Notarıýstar kollektorlyq kompanııalarmen jeke paıdasy úshin ymyralasqan – Ádilet mınıstri

ASTANA. KAZINFORM –  Ádilet mınıstri Erlan Sársembaev Úkimet otyrysynda atqarýshylyq jazba ázirleý mehanızmi avtomattandyrylatynyn aıtty.

Ерлан Сәрсембаев
Фото: Солтан Жексенбеков/Kazinform

- Kelesi másele – atqarýshylyq jazba jasaý mehanızmin jetildirý. Ókinishke qaraı, atalǵan másele boıynsha teris tájirıbe qalyptasty. Atqarýshylyq jazbalar boryshkerdiń jazbasha moıyndaýy bolmasa da jasalǵan. Onyń ústine boryshkerlerdiń turǵylyqty jeri saqtalmaǵan. Muny mıkroqarjy uıymdarymen, kollektorlyq kompanııalarmen jáne jeke sot oryndaýshymen aldyn ala kelisim boıynsha óz paıdasyn oılaıtyn notarıýstar jasaǵan, - dedi mınıstr.

Vedomstvo máseleni sheshý úshin birqatar júıeli qadamdardy josparlap otyrǵan kórinedi.

- Bul kórsetiletin qyzmettiń ashyqtyǵyn qamtamasyz etedi. Atap aıtsaq, «E-notarıat» aqparattyq júıesinde «Taraptardyń jeke kabınetin» bıometrııalyq sáıkestendirýmen ashýdy qamtamasyz etemiz. «Jeke kabınet» arqyly óndirip alýshy men boryshkerge qarsylyq berý ne bereshekti ýaqytyly tóleý múmkindigin beremiz. Jazbasha mámileler boıynsha atqarýshylyq jazbalardy avtomatty túrde bólý arqyly óndirip alýshy men jeke sot oryndaýshynyń kelisýin joıýmyz. Aýmaqtylyq qaǵıdatynyń saqtalýyn baqylaımyz. Notarıýstardyń basqa óńirdiń atqarýshylyq jazbasyn jasaýyna tyıym salamyz. Taraptarǵa atqarýshylyq jazba týraly SMS-habarlamalar jiberý pılottyq jobasy iske qosyldy. Máselen, boryshkerler notarıýstyń habarlamasyn alyp, bereshegin ýaqytyly tóleýde, - dedi Erlan Sársembaev.

Aıta keteıik, keıingi úsh jylda notarıýstardyń qyzmeti 28% qymbattaǵan. 

Сейчас читают