Notarıýs qaza tapqan mıllıarder Mıneevtiń múlkin taba almady
ASTANA. QazAqparat - Notarıýs zańda bekitilgen merzimde kóz jumǵan reseılik iri bıznesmen Aleksandr Mıneev múlkiniń kýáligin onyń týystaryna bere almaǵan.
Onyń basty sebebi, resmı qujat boıynsha quny $1 mlrd bolatyn Máskeýdegi múlki bar magnat kedeı bolyp shyqty.
"Rosbaltqa" derekkóz habarlaǵandaı, osy aptada Mıneevtiń ólgeninen 6 aı ótti. Notarıýs Alekseı Solovev bıznesmenniń týystaryna onyń múlkiniń kýáligin berýi tıis edi. Alaıda ol muny oryndamady. Óıtkeni Mıneevtiń atyna jazylǵan múlik bolmaı shyqty. Resmı qujattar boıynsha bul bıznesmende 3 ustalǵan kólik qana bolǵan. "Mıneevtiń barlyq aktıvteri jasyrylypty. Aleksandrdyń ıeliginde ne bolǵanyn dáleldeý múmkin emes ", - dedi derekkóz.
Eske sala keteıik, 2014 j 22 qańtarda kıllerler kólik ishinde bolǵan "Partııa" fırmasynyń negizin qalaýshy Aleksand Mıneevti atyp ketti. Al buǵan deıin bıznesmenge tıesili quny $1 mlrd bolatyn 21 múlik nysany jalǵan qujat boıynsha Daǵystan turǵyndarynyń atyna kóshirilgen.
