Notarıat týraly zańǵa ózgerister engizildi
ASTANA. 24 qarasha. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Notarıat týraly» QR zańyna ózgerister men tolyqtyrýlar engizý týraly» zańy qabyldandy.
Atalǵan zań jobasy notarıat salasynda tıimdi memlekettik saıasatty júrgizýge, salany retteýdi jetildirýge jáne sybaılas jemqorlyqqa jaǵdaı týǵyzatyn normalardy alyp tastýǵa baǵyttalady. Bul rette birinshiden notarıýstardyń sanyna shekteý qoıý joıylady. Bul usynys Elbasynyń ákimshilik kedergilerdi joıý týraly tapsyrmasyn iske asyrýǵa baǵyttalǵan. Kirý jarnasyn alýǵa jol berilmeıdi. Qazirgi ýaqytta notarıatqa kandıdat adam kirý jarnasyn tólemese ol notarıýs bola almaıtyny belgili. Kirý jarnasy bul rette 1 mln. teńgeden 3 mln. teńgege deıin barady. Úshinshiden halyqqa jaıly bolý úshin zań jobasymen biryńǵaı turaqty tarıfter bekitildi. Budan bólek, notarıýstarǵa kandıdat adamdardy attestatsııadan ótkizý fýnktsııasy jergilikti ádilet organdaryna beriledi. Kvotany joıýmen qatar, zań jobasymen memlekettik baqylaýdy kúsheıtýge qatysty sharalar qamtylady. Máselen, notarıýstyń úı-jaıyna qoıylatyn talaptar aıqyndalady. Atap aıtqanda, jeke praktıkamen aınalysatyn notarıýstyń bir úı-jaıy bolýǵa tıisti. Onyń ústine lıtsenzııany toqtatý nemese onyń kúshin joıý úshin qosymsha negizder anyqtaldy. Mysaly, eger notarıýs eseptik tirkeýge keńseden tys jerlerde qyzmet kórsetilse, bul onyń qyzmetin shekteýge alyp keledi. Sonymen qatar, notarıýstardyń jáne onyń palatalarynyń qyzmetine baqylaý jasaý kózdeletin jańa erejeler de qamtylyp otyr. Notarıýstardy baqylaý táýekeldi baǵalaý júıesi negizinde memlekettik baqylaý jáne qadaǵalaý zańnamasy aıasynda júrgiziledi.
