Nóserli jańbyrdyń saldarynan Qostanaıdy sý basty
QOSTANAI. 1 tamyz. QazAqparat - Qostanaıda qurǵaqshylyqtyń 4 aıynda birinshi ret nóserli jańbyr jaýdy.
Jańbyr túnde quıyndatyp ótti, az ýaqytqa toqtaǵan jańbyr kúnniń birinshi jartysynda qaıta bastalyp, osy ýaqytqa deıin jaýyp jatyr.
Jańbyrdyń saldarynan turǵyndar keıbir yńǵaısyzdyqty sezinýde. Káriz júıesi jaýǵan jańbyrdy eńsere almaı, sý aýlalardy basyp qalýda. Keıbir aýdandarda elektr qýaty isten shyqty. Adamdar jekemenshik páterler kooperatıvine shaǵymdanýda. Tóbeden sý aǵyp, aýlalar men joldardy sý basyp, shaıyp ketýde.
Sınoptıkterdiń bergen málimetterine qaraǵanda, Qostanaı oblysy Atlantıkadan kelgen tsıklonnyń yqpalynda qalyp otyr. Jergilikti gıdrometeo-ortalyq habarlaǵandaı, ótken túnde 25 mm jaýyn-shashyn tústi. 2 tamyzda da nóserli jańbyrdyń jaýýy yqtımal.
