Nóserli jańbyr saldarynan Temirtaýda kólikter sýǵa batty
QARAǴANDY. QazAqparat - Tolassyz nóser saldarynan Temirtaý kósheleri men kólikter sý astynda qaldy, dep habarlaıdy QazAqparat tilshisi.
«Sý jarty saǵatta aǵyp ketti. 25 maýsym kúngi keshten 26 maýsymǵa deıin 7-8 mm jańbyr jaýdy. Bul normadan jeti ese kóp. Osyǵan baılanysty keıbir aýdandarda joldardy sý basty. Jaýyn sýy aǵyp ketetin aryqtar men qubyrlar eski, kópshiligi keńestik kezeńde salynǵan. Merdiger uıymdar olardy udaıy tazartyp otyrady. Biraq adamdar oǵan neshe túrli zattaryn tastap, olar bitelip qalady. 2010 jylǵa deıin qala boıynsha sýdy aǵyzatyn júıeler salynatyn. Sondaı-aq jóndeý jumystary kezinde nóser qudyqtarynyń asfalttalyp tastalǵan jaǵdaılary anyqtaldy. Olardy aýystyrýǵa tyrysamyz», - deıdi Temirtaý ákimdiginiń baspasóz hatshysy Olga Gorıacheva.
Nóser saldarynan Metallýrgter jáne Dımıtrov kóshelerin sý basqan. Turǵyndardyń sózine qaraǵanda, jolǵa jınalǵan sý tipti tramvaılar men avtobýstarǵa da qıyndyq týdyrǵan.
