Nóserbaev «Oqjetpes» klýbyna aýysty
KÓKShETAÝ. QazAqparat - Kókshetaýdyń «Oqjetpes» FK sapy Tańat Nóserbaevpen tolyqty, dep habarlaıdy QazAqparat tilshisi komandanyń saıtyna silteme jasap.
«Tańat Nóserbaev Shymkent fýtbol klýbynyń tárbıelenýshisi. 2006 jyly «Ordabasy» sapynda alǵashqy oıynyn ótkizdi. 2011 jyly «Astana» (qazirgi «Lokomotıv») klýbyna kóshti. 2012 jyly 26 kezdesýde 10 dop soǵyp, klýbtyń eń úzdik sur mergeni atandy. QFF nusqasymen maýsymnyń eń úzdik shabýylshysy atandy.
2017 jyly Nóserbaev Shymkenttiń «Ordabasy» klýbymen kelisimshart jasady. 22 matchta 9 dop soǵyp úzdik sur mergen atandy. Qazaqstan qurmasynyń sapynda 28 oıyn ótkizdi. «Astana» FK sapynda Qazaqstannyń úsh dúrkin chempıony atandy. 2018 jylǵy maýsymda Qostanaıdyń «Tobyl» komandasynda óner kórsetti», dep jazylǵan «Oqjetpes» FK resmı saıtynda.
Aıta ketý kerek, «Oqjetpes» klýby fýtboldan QR Premer lıgasynyń bıylǵy maýsymdaǵy alǵashqy oıynynda Taldyqorǵannyń "Jetisý" komandasyna 1:5 esebimen oısyraı jeńilgen bolatyn. Kókshetaýlyqtar tarapynan jalǵyz goldy Jasulan Moldaqaraev saldy.
