Nóser jaýyn men qatty jel saldarynan Tatarstannyń myńdaǵan turǵyny jaryqsyz qaldy
ASTANA. QazAqparat - Tatarstanda aýa raıynyń buzylýyna baılanysty 12 myń adam jaryqsyz qaldy, dep habarlady respýblıkanyń TJM saıty.
"17 qazanda máskeý ýaqyty boıynsha saǵat 17:08-de Tatarstan Respýblıkasynda tabıǵattyń tosyn minezinen (18 m/s-qa deıin kúshti jel, nóser, aǵashtardy muz basty) respýblıkanyń 11 aýdanynda joǵary voltty jeli úzildi ", - delingen habarlamada.
12 myń 165 adam tirshilik etetin 72 eldi meken elektr jaryǵynsyz qaldy. Avarııalyq-qutqarý jumystaryna 12 brıgada, 12 tehnıka, «Jelilik kompanııa» AAQ-dan 36 adam jumyldyryldy.
