Nóser jaýyn, daýyl, naızaǵaı: 11 maýsymǵa arnalǵan aýa raıy
NUR-SULTAN. QazAqparat - Sınoptıkter 11 maýsym kúni el aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstan terrıtorııasynyń basym bóliginde atmosferalyq fronttarǵa baılanysty qubylmaly, turaqsyz aýa raıy saqtalady.
Jańbyr jaýady, naızaǵaı jarqyldaıdy.
Elimizdiń ońtústik-shyǵysynda, taýly aýdandarda qatty jańbyr jaýady.
Respýblıkanyń keı jerlerinde daýyl turyp, burshaq jaýady, jel kúsheıedi.
Ońtústik jáne ońtústik-shyǵysta shańdy daýyl soǵady, soltústikte túnde jáne tańerteń tuman bolady.
Jambyl oblysynyń keı jerlerinde shańdy daýyl turady, burshaq jaýady. Jel jyldamdyǵy 23-28 m/s bolady.
Túrkistan oblysynyń keı jerlerinde shańdy daýyl soǵady, jel qarqyny 15-20, kúndiz 25 m/s jetedi. Taýly aýdandarda daýyl bolady.
Almaty oblysynyń keı jerlerinde daýyl, burshaq kútilip, naızaǵaı kezinde jel ekpini 25 m/s deıin kúsheıedi.
Aqmola, Batys Qazaqstan, Qaraǵandy oblystarynyń keı jerlerinde burshaq jaýyp, jeldiń kúshi 15-20 m/s jetedi. Qaraǵandy oblysynyń keı jerlerinde daýyl turady.
Soltústik Qazaqstan, Shyǵys Qazaqstan oblystarynyń keı jerlerinde daýyl kóterilip, burshaq jaýady. Kúndiz jel jyldamdyǵy - 25 m/s.
Soltústik Qazaqstan oblysynyń keı jerlerinde túnde jáne tańerteń tuman túsedi.
Aqtóbe, túnde Mańǵystaý, kúndiz Qostanaı, Pavlodar oblystarynyń keı jerlerinde jel qarqyny 15-20 m/s deıin kúsheıedi.
Qyzylorda, Túrkistan, Jambyl, Aqtóbe oblystarynyń basym bóliginde, Qaraǵandy, Almaty, Qostanaı, Batys Qazaqstan oblystarynyń keı jerlerinde, Aqmola, Pavlodar, Shyǵys Qazaqstan oblystarynyń jekelegen aýdandarynda tótenshe órt qaýpi saqtalady.
