Nóser jaýyn, burshaq, naızaǵaı: Astanada aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty Nur-Sultan qalasynda eskertý jarııalandy, dep habarlaıdy QazAqparat.
Bul jaıynda qalalyq tótenshe jaǵdaılar departamenti eskertti.
«Qazgıdromet» RMK derekteri boıynsha 10 mamyr kúni shaharda qatty jańbyr jaýady, naızaǵaı jarqyldaıdy. Kúndiz burshaq jaýady. Soltústik-shyǵystan kúshti jel soǵady. Jel ekpini sekýndyna 15-20 metrge jetedi» delingen departament habarlamasynda.
Eske sala keteıik, buǵan deıin Qazaqstannyń basym bóliginde atmosferalyq fronttardyń ótýine baılanysty aýa raıy qubylmaly bolatyny habarlanǵan edi.
«Respýblıkanyń keı jerlerinde naızaǵaı oınap, jańbyr jaýady» dep eskertken «Qazgıdromet».
