Nóser jaýyn 243 mln. eýro shyǵyn keltirdi
ASTANA. QazAqparat - Rımdegi tolassyz jaýyn saldarynan kelgen shyǵyn 243 mln. eýrony qurady. Qalalyq merııa taratqan málimetke sáıkes, tabıǵattyń tosyn minezinen Rımniń soltústigi men ońtústigi qatty zardap shekken.
Qalalyq keńestiń otyrysynda qańtar aıynyń sońy men aqpan aıynyń basynda el aýmaǵyna jaýǵan jańbyrdyń saldarynan joldar men elektrmen qamtý nysandary zaqymdanǵany aıtyldy. Búginde metrony jóńdeýdiń ózine 50 mln. eýrodan astam kólemde qarjy kerek. Sondaı-aq kógaldandyrý jumystaryn qalpyna keltirýge 12 mln. eýro, al gıdrologııalyq baǵyttaǵy jumysqa 3,7 mln. eýro qajet. Osyǵan oraı, Rım basshylyǵy Latsıo oblysynyń ákimshiligimen birlesip úkimetten tótenshe jaǵdaı jarııalap, qosymsha qarjy bólýdi surap otyr.
Jaýyn-shashyn saldarynan Tıbr ózeni deńgeıinen asyp, qashyq mańdaǵy aýdandarǵa qaýip tóndire bastady, dep habarlaıdy ITAR-TASS.
