Nóser jańbyr saldarynan Ózbekstannyń birneshe aýdandaryn sel basty
TAShKENT. ÓzA-QazAqparat – Keshe, 13 mamyr kúni bolǵan nóser jańbyrdyń saldarynan Ózbekstandaǵy birneshe aýdan aýmaǵyn sel basty, dep habarlaıdy ÓzA agenttigi.
Atap aıtqanda, Tashkent oblysy Bostandyq aýdanynyń birneshe taýly aımaqtarynda ornalasqan eldi mekenderdiń kóshelerin, úılerdiń aýlalaryn sý basyp qaldy. Oqıǵa ornynda 189 qutqarýshy men 26 arnaıy tehnıka jumys istep jatyr.
Sondaı-aq, Surhandarııa oblysynyń Baısyn jáne Altynsaı aýdandary aýmaǵyndaǵy Altynsaı arnasynyń tasý qaýpine oraı ondaǵy 900-deı azamat ýaqytsha evakýatsııalandy jáne kólik qatynasy ýaqytsha toqtatylǵan. Tasqyn saldaryn joıýǵa 150-den astam qyzmetker, sonymen qatar 20-ǵa jýyq tehnıka tartyldy.
Mundaı jaǵdaı Naýaı oblysy Zarafshan, Nurata aýdandarynda da baıqalǵan. Munda 300-deı azamat 9 avtokólik jáne 70 jeke quramnyń kómegimen qaýipti aımaqtan kóshirildi.
Oblystyq TJM habarlaýynsha, adam shyǵyny bolmaǵan.
