Nóser jańbyr kópirdi qıratyp ketti
ASTANA. QazAqparat - Kabardın-Balkarııada jaýǵan nóser jańbyrdyń saldarynan Cherek aýdanyndaǵy Tómengi Jemtala eldi mekeniniń eki bóligin jalǵastyryp turǵan kópir qırady.
Bul týraly selo ákimshiliginiń basshysy Arsen Dokshýkın málim etti, dep habarlaıdy ITAR-TASS.
Kópir sol arqyly ótetin sý qubyry da zaqymdalǵan. 250 úı sýsyz qaldy. Kólik tek kórshi Joǵary Jemtala eldi mekeni arqyly qatynaýda.
Budan buryn TJM aımaqtyq basqarmasy kópirdiń qıraǵany jaıly habar 19:05-te túskendigin málimdegen edi. Olardyń derekterine qaraǵanda, zardap shekkender joq. Qazirgi ýaqytta qalpyna keltirý jumystary júrip jatyr.
