Nóser jańbyr, burshaq, naızaǵaı: Birqatar óńirlerde eskertý jarııalandy
NUR-SULTAN. QazAqparat - Qazgıdromet aýa raıynyń buzylýyna baılanysty birqatar óńirlerde eskertý jarııalady, dep habarlaıdy QazAqparat.
7 maýsymda Qostanaı oblysynyń keı jerlerinde naızaǵaı, daýyl, kúndiz burshaq kútiledi. Soltústik-batystan jel soǵady, túnde keı jerlerde 15-20, kúndiz 15-20, ekpini 23 m/s kútiledi.
Osy kúni Qostanaı qalasynda naızaǵaı oınap, soltústik-batystan jel soǵady, ekpini - 15-20 m/s.
7 maýsymda Shyǵys Qazaqstan oblysynda túnde keı jerlerde qatty jańbyr kútiledi. Keı jerlerde naızaǵaı, daýyl. Kúndiz burshaq jaýýy múmkin. Ońtústik-batystan soǵatyn jeldiń kúshi keı jerlerde - 15-20, ekpini - 25 m/s jetedi.
Óskemen qalasynda naızaǵaı jarqyldaıdy, kúndiz burshaq jaýýy múmkin. Ońtústik-batystan soqqan jeldiń kúshi 15-20 m/s deıin jetedi.
Semeı qalasynda naızaǵaı kútiledi, kúndiz burshaq jaýady. Ońtústik-batystan soqqan jeldiń kúshi 15-20 m/s deıin jetedi.
7 maýsymda Soltústik Qazaqstan oblysynda jańbyr, keı jerlerde qatty jańbyr jaýady. 7-8 maýsymda keı jerlerde tuman, naızaǵaı, burshaq, daýyl kútiledi. 7 maýsymda soltústik-batystan jel soǵady, túnde keı jerlerde ekpini - 15-20 m/s, kúndiz 15-20, keı jerlerde 25 m/s bolady. 8 maýsymda jel ekpini keı jerlerde - 15-20 m/s.
Petropavl qalasynda 7-8 maýsymda naızaǵaı oınap, burshaq jaýady. Daýyl turýy múmkin. Soltústik-batystan jel soǵady, jel ekpini - 15-20 m/s, 7 maýsym kúndiz jel 25 m/s deıin kúsheıedi.
7-9 maýsymda Aqmola oblysynyń keı jerlerinde naızaǵaı jarqyldap, daýyl saqtalady. Kúndiz keı jerlerinde burshaq jaýady. 7, 8, 9 maýsym kúnderi soltústik-batystan, batystan jel soǵady, keı jerlerde jel jyldamdyǵy - 15-20 m/s, 8 maýsymda - 23 m/s.
Nur-Sultan qalasynda 7-8 maýsymda naızaǵaı oınap, daýyl turady. Kúndiz burshaq jaýady. 7-8 maýsym kúnderi soltústik-batystan, batystan kúshti jel soǵady, ekpini - 15-20 m/s.
7 maýsym kúndiz Túrkistan oblysynyń taýlarynda naızaǵaı jarqyldaıdy. Soltústik-batystan jel soǵady, keı jerlerde jeldiń kúshi - 15-20 m/s.
Túrkistan qalasynda osy kúni soltústik-batystan soǵatyn jeldiń ekpini 15-20 m/s deıin kúsheıedi.
7 maýsymda kúndiz Qyzylorda oblysynyń keı jerlerinde shańdy daýyl kútiledi. Ońtústik-batystan, batystan jel soǵady, keı jerlerinde 15-20, ekpini 23 m/s jetedi.
