Nóser jańbyr, naızaǵaı, úsik; 29 mamyrda aýa raıy qandaı bolady

Sınoptıkterdiń boljamy boıynsha, birqatar óńirde naızaǵaı oınap, jańbyr jaýyp, keı jerlerde nóser, burshaq jáne daýyl bolady. Keıbir aımaqtarda jeldiń ekpini sekýndyna 28 metrge deıin jetedi, joǵary jáne tótenshe órt qaýpi saqtalady.

Astanada kúndiz batystan, ońtústik-batystan jel soǵady. Jel ekpini 15–18 m/s bolady.

Aqmola oblysynyń batysynda, soltústiginde jáne ońtústiginde jańbyr men naızaǵaı bolady. Jel soǵyp, óńirdiń batysynda, soltústiginde jáne shyǵysynda ekpini 15–20 m/s-qa jetedi. Batys pen ońtústikte joǵary órt qaýpi saqtalady. Kókshetaýda jańbyr jaýyp, naızaǵaı bolady, jel ekpini 15–20 m/s.

Soltústik Qazaqstan oblysynda túnde óńirdiń soltústigi men shyǵysynda jańbyr, naızaǵaı, burshaq jáne daýyl bolady. Kúndiz batys pen soltústikte de jańbyr, naızaǵaı, burshaq jáne daýyl bolady. Túnde jáne tańerteń batysta tuman túsedi. Ońtústik-batys jeli soǵyp, túnde soltústik pen shyǵysta jel ekpini 15–20 m/s, kúndiz 15–20 m/s bolady. Batys, soltústik jáne ońtústikte ekpini 23–28 m/s-qa deıin kúsheıedi. Oblystyń batysy men soltústik-shyǵysynda joǵary órt qaýpi saqtalady. Petropavlda jańbyr, naızaǵaı, burshaq, kúndiz daýyl bolady. Jeldiń ekpini kúndiz 15–20 m/s, keıde 25 m/s-qa jetedi. Qalada joǵary órt qaýpi saqtalady.

Qostanaı oblysynda túnde jáne tańerteń soltústik pen ońtústik-shyǵysta jańbyr jaýyp, naızaǵaı oınaıdy. Kúndiz batysta jańbyr, naızaǵaı, burshaq jáne daýyl bolady. Túnde jáne tańerteń batysta tuman kútiledi. Ońtústik-batys jeli soǵyp, soltústik, shyǵys jáne batysta ekpini 15–20 m/s-qa jetedi. Soltústik-batys, batys, ońtústik jáne shyǵysta joǵary órt qaýpi saqtalady. Qostanaı qalasynda túnde jáne tańerteń jańbyr jaýyp, naızaǵaı bolady. Jel ekpini 15–20 m/s.

Pavlodar oblysynda túnde jańbyr men naızaǵaı bolady. Soltústik pen shyǵysta qatty jańbyr jaýyp, burshaq pen daýyl bolýy múmkin. Kúndiz soltústik pen shyǵysta naızaǵaıly jańbyr jalǵasady. Ońtústik-batys jeli soǵyp, túnde soltústik pen shyǵysta jel ekpini 15–20 m/s, kúndiz de 15–20 m/s bolady. Soltústik-shyǵysta tótenshe órt qaýpi saqtalady. Pavlodarda jańbyr jaýyp, naızaǵaı oınap, burshaq túsedi. Jeldiń ekpini 15–20 m/s.

Qaraǵandy oblysynda túnde jáne tańerteń soltústik pen shyǵysta azdaǵan jańbyr jaýyp, naızaǵaı bolady. Ońtústik-batys jáne batys jeli soǵyp, batys, soltústik jáne shyǵysta ekpini 15–20 m/s-qa jetedi. Óńirde joǵary órt qaýpi saqtalady, al soltústik pen ońtústikte tótenshe órt qaýpi bar. Qaraǵandyda tańerteń jáne kúndiz jel ekpini 15–20 m/s bolady. Qalada tótenshe órt qaýpi saqtalady.

Ulytaý oblysynda ońtústik-batystan soqqan jel ońtústik-shyǵysqa aýysady. Soltústik pen shyǵysta ekpini 15–20 m/s.

Shyǵys Qazaqstan oblysynda túnde jańbyr jaýyp, naızaǵaı bolady. Soltústik pen shyǵysta nóser jańbyr, burshaq jáne daýyl bolady. Ońtústik-batystan jel soǵyp, túnde ekpini 15–20 m/s, keıde 23–28 m/s-qa deıin jetedi. Kúndiz soltústik pen shyǵysta jel ekpini 15–20 m/s bolady. Batys pen ońtústikte joǵary órt qaýpi saqtalady. Óskemende jańbyr jaýyp, naızaǵaı bolady, jel ekpini 15–20 m/s.

Abaı oblysynda túnde naızaǵaı oınap, jańbyr jaýady. Soltústikte nóser jańbyr, burshaq jáne daýyl bolady. Kúndiz shyǵys pen ortalyqta jańbyr jaýady, naızaǵaı oınaıdy. Ońtústik-batys jeli soǵyp, batys, soltústik jáne shyǵysta ekpini 15–20 m/s, túnde keı jerlerde 25 m/s-qa deıin jetedi. Óńirde joǵary órt qaýpi saqtalady, shyǵysta tótenshe órt qaýpi bar. Semeıde túnde jańbyr jaýyp, naızaǵaı bolady. Jel ekpini 15–20 m/s. Qalada joǵary órt qaýpi saqtalady.

Almaty oblysynyń ońtústigi men taýly aımaqtarynda ótkinshi jańbyr jaýyp, naızaǵaı oınaıdy. Ońtústik-batys jeli soǵyp, batys, ońtústik, shyǵys jáne taýly óńirlerde ekpini 18–23 m/s bolady. Soltústikte joǵary órt qaýpi saqtalady. Almatyda kúndiz ótkinshi jańbyr jaýyp, naızaǵaı bolady. Qonaevta kúndiz jel ekpini 18 m/s.

Jetisý oblysynda túnde taýly aýdandarda azdaǵan jańbyr jaýady. Ońtústik, shyǵys jáne taýly óńirlerde naızaǵaı oınaıdy. Soltústik-shyǵys jeli soǵyp, soltústik, batys jáne shyǵysta ekpini 15–20 m/s-qa jetedi. Óńirde joǵary órt qaýpi saqtalady, shyǵysta tótenshe órt qaýpi bar. Taldyqorǵanda joǵary órt qaýpi saqtalady.

Jambyl oblysynda kúndiz taýly aýdandarda jańbyr jaýyp, naızaǵaı bolady. Túnde jáne tańerteń tuman túsedi. Soltústik-shyǵys jeli soǵyp, oblystyń ońtústik-batysynda, soltústik-shyǵysynda jáne taýly aımaqtarynda ekpini 15–20 m/s bolady. Soltústikte joǵary órt qaýpi saqtalady. Tarazda kúndiz soltústik-shyǵys jeliniń ekpini 15–20 m/s.

Qyzylorda oblysynyń soltústigi men ortalyǵynda shańdy daýyl kútiledi. Ońtústik-shyǵys jáne shyǵys jeli soǵyp, ekpini 15–20 m/s bolady. Batys, shyǵys jáne ortalyqta joǵary órt qaýpi saqtalady, al ońtústik pen soltústikte tótenshe órt qaýpi bar.

Aqtóbe oblysynda túnde soltústik, shyǵys jáne ortalyqta azdaǵan jańbyr jaýyp, naızaǵaı bolady. Kúndiz batys pen soltústikte jańbyr men naızaǵaı bolady. Batysta keı ýaqytta nóser jańbyr jaýady. Tańerteń soltústikte tuman túsedi. Ońtústik-batys jáne ońtústik jeli soǵyp, ońtústikte ekpini 15–20 m/s-qa jetedi. Soltústik-shyǵysta joǵary órt qaýpi saqtalady. Al ońtústik pen shyǵysta tótenshe órt qaýpi bar. Aqtóbede kúndiz jańbyr jaýyp, naızaǵaı bolady.

Atyraý oblysynda jańbyr jaýyp, naızaǵaı oınaıdy. Kúndiz ońtústik pen shyǵysta keı jerlerde nóser jańbyr jaýyp, burshaq pen daýyl bolady. Soltústik-shyǵys jeli soǵyp, ońtústik pen shyǵysta ekpini 15–20 m/s-qa jetedi. Ońtústikte tótenshe órt qaýpi saqtalady. Atyraýda keı ýaqytta jańbyr jaýyp, naızaǵaı bolady. Túnde jel ekpini 15–18 m/s.

Mańǵystaý oblysynda kúndiz batys, soltústik jáne ortalyqta jańbyr jaýyp, naızaǵaı bolady. Soltústik-shyǵys, ońtústik jáne ortalyqta shańdy daýyl kútiledi. Ońtústik-shyǵys jeli soǵyp, ońtústik, soltústik-shyǵys jáne ortalyqta ekpini 17–22 m/s-qa jetedi. Soltústik, shyǵys jáne ortalyqta joǵary órt qaýpi saqtalady, al soltústik-shyǵysta tótenshe órt qaýpi bar. Aqtaýda kúndiz jańbyr jaýyp, naızaǵaı bolady.

Batys Qazaqstan oblysynda kúndiz ońtústik pen shyǵysta jańbyr jaýyp, naızaǵaı bolady. Batys pen ortalyqta joǵary órt qaýpi saqtalady.

«Qazgıdromet» RMK elimizdegi aýa sapasyna qatysty boljamyn jarııalaǵan edi.