Nóser jańbyr, 40 gradýs ystyq: aldaǵy úsh kúnde aýa raıy qandaı bolady
ASTANA. KAZINFORM – «Qazgıdromet» RMK Qazaqstan boıynsha 2025 jylǵy 31 mamyr men 2 maýsymǵa arnalǵan aýa raıy boljamyn taratty. Bul týraly Kazinform agenttigi habarlady.
– Atmosferalyq fronttardyń ótýimen respýblıkanyń basym bóliginde turaqsyz aýa raıy saqtalady: naızaǵaı oınap, ekpindi jel soǵady, kúndiz burshaq jaýýy múmkin, - dep habarlady «Qazgıdromet».
1 maýsymda ońtústik-shyǵystyń taýly aımaqtarynda, 2 maýsymda batysta, ońtústik-shyǵystyń taýly aımaqtarynda qatty jańbyr kútiledi. Ońtústik-batysta, ońtústikte jáne ońtústik-shyǵysta shańdy daýyl soǵady. Batysta jáne soltústik-batysta qarqyndy aptaptyń tómendeýi kútilip otyr.
Elimizdiń qalǵan aýmaǵynda aýa temperatýrasynyń birtindep joǵarylaıdy. Kúndiz ortalyqta, al ońtústikte 35-40 gradýsqa deıin qatty ystyq kútiledi.