Nóser saldarynan Uly Qytaı qorǵanynyń bir bóligi opyrylyp qulady
ASTANA. QazAqparat - Oqys oqıǵa Beıjińge jaqyn jerde oryn aldy. Sel saldarynan uzyndyǵy 30 metrdi quraıtyn qurylym bóligi qulady.
Qytaıda jaýyp turǵan nóserli jaýyn saldarynan Uly Qytaı qorǵany zardap shekti, dep habarlady TASS.
Kóshkin saldarynan kóne qurylymnyń 30 metrge jýyq bóligi Tszıýııýngýan zastavasynyń mańynda qulady. Bul zastava Beıjińnen 50 shaqyrym jerde ornalasqan, dep habarlady "Beıtszın chenbao" gazetiniń elektrondy nusqasy.
Zastava mańynda ornalasqan Shısanlın memorıaldyq kesheni ókiliniń sózine qaraǵanda, jóndeý jumystary júrgizilýde. Oqıǵa ornynda, sonymen qatar, bir top arheologtar men geologtar jumys istep jatyr. Olar keltirilgen zalal men jańa kóshkinderdiń paıda bolý múmkindigin baǵalaıtyn bolady.
Uly Qytaı qorǵany Qytaıdyń ataqty tarıhı qurylymdarynyń biri.
