Nóser saldarynan 200 myńnan astam japondyq evakýatsııalanyp jatyr
TOKIO. Kyodo-QazAqparat - Senbi kúni 200 myńnan astam adam qaýipsiz jerge kóshirý týraly nusqaý aldy, dep habarlaıdy QazAqparat Kyodo agenttigine silteme jasap.
Nusqaýdy Kýmamoto jáne Kagosıma prefektýrasynyń turǵyndary aldy, onda qaýip-qaterdiń eń joǵary deńgeıi jarııalandy, ol adamdardyń ómirine tikeleı qaýip tóndiredi. Sońǵy málimetter boıynsha, kem degende 13 adam ózen arnasynan asyp, sý basqan Akısıta kentinde (Kýmamoto prefektýrasy) joǵalyp ketken.
Kyushu Electric Power energetıkalyq kompanııasynyń málimeti boıynsha, nóser jańbyr saldarynan Kýmamoto prefektýrasyndaǵy 9 myńǵa jýyq úı jaryqsyz qaldy.
Premer-Mınıstr Sındzo Abe Keńsesi janynan daǵdarys shtaby quryldy. Ol kelip túsken aqparatty jınaqtap, taldaıdy. Japonııanyń Ózin-ózi qorǵaý kúshteriniń jasaqtary jergilikti qutqarý qyzmetterine kómek kórsetý úshin óńirge kelýge daıyndalýda.
Japonııanyń Ulttyq meteorologııalyq basqarmasy eldiń ońtústik batysynda buryn-sońdy bolmaǵan jańbyr jaýǵanyn atap ótti. Kýmamoto prefektýrasynyń keıbir aýdandarynda kúnine 479,5 mm jańbyr jaýǵan.
