Nóser kezinde Tarlan Astana stantsııasynyń tóbesinen sý aqty: CTS sebebin túsindirdi
ASTANA. KAZINFORM — Nóser kezinde Tarlan Astana jelisi stantsııalarynyń birinde tóbeden sý aqty. Onyń sebebin City Transportation Systems (CTS) kompanııasy túsindirdi.
Áleýmettik jelilerde «Syǵanaq» stantsııasynda túsirilgen beınejazba tarady. Kadrlarda ǵımarat ishinde tóbeden jańbyr sýynyń aǵyp turǵany kórinedi.
Kazinform tilshisi oqıǵaǵa qatysty túsinikteme alý úshin City Transportation Systems kompanııasyna júgindi.
Kompanııanyń málimetinshe, órtke qarsy júıelerdiń jabdyqtaryn tekserý jáne baptaý maqsatyndaǵy jumystar júrgizilip jatqanda, jańbyr sýy ishke aqqan.
— Atalǵan jumystar barysynda órt sóndirý júıelerine qyzmet kórsetýge arnalǵan tehnologııalyq lıýkter ashylady. Sonyń saldarynan keıbir jaǵdaılarda jańbyr sýy ishke tógilýi múmkin, — dep túsindirdi kompanııanyń baspasóz qyzmeti.
Qazirgi ýaqytta CTS mamandary keleńsiz jaıttyń saldaryn joıyp, nysanda germetızatsııa jumystaryn júrgizip jatyr.
Aıta keteıik, buǵan deıin Astana kóshelerin sý basqan soń, sý sorý jumystary qalaı júrip jatqanyn jazǵanbyz.
