Nóser, burshaq jáne 38 gradýs ystyq: Qazgıdromet kún raıyna baılanysty eskertý jasady
ASTANA. KAZINFORM – «Qazgıdromet» RMK 22 shildede Qazaqstannyń 17 oblysynda daýyldy eskertý jarııalady.
Astanada jańbyr jaýyp, naızaǵaı oınaıdy. Kúndiz keı ýaqyttarda nóser jańbyr jaýyp, burshaq túsýi múmkin. Ońtústik-batystan soqqan jel soltústik baǵytqa aýysyp, ekpini sekýndyna 15–20 metrge deıin jetedi. Elordada joǵary órt qaýpi saqtalady.
Almatyda aragidik jańbyr jaýyp, naızaǵaı bolady. Túnde ońtústik-batys jeliniń ekpini sekýndyna 15 metrge deıin kúsheıedi. Qalada joǵary órt qaýpi saqtalady.
Abaı oblysynyń batysynda, soltústiginde jáne ońtústiginde túnde jańbyr jaýyp, naızaǵaı oınaıdy. Kúndiz jańbyr, naızaǵaı, burshaq jáne kúshti jel kútiledi. Oblystyń ońtústiginde aýa temperatýrasy 35 gradýsqa deıin kóteriledi. Óńirde joǵary jáne tótenshe órt qaýpi saqtalady.
Aqtóbe oblysynyń shyǵysynda soltústik jeldiń ekpini sekýndyna 15–18 metrge jetedi. Oblystyń batysy men ońtústiginde kún 35–36 gradýsqa deıin ysıdy. Batys jáne shyǵys bólikterinde joǵary, ońtústik-shyǵysynda tótenshe órt qaýpi saqtalady.
Almaty oblysynyń soltústiginde ótkinshi jańbyr, naızaǵaı jáne shańdy daýyl kútiledi. Batysynda, ońtústiginde jáne taýly aýdandarynda jańbyr jaýyp, naızaǵaı oınaıdy. Keı jerlerde nóser, burshaq jáne kúshti jel bolady. Jeldiń ekpini sekýndyna 15–25 metrge deıin jetedi. Oblystyń soltústiginde tótenshe órt qaýpi saqtalady.
Aqmola oblysynda jańbyr jaýyp, naızaǵaı bolady. Soltústiginde, ońtústiginde jáne shyǵysynda keı jerlerde qatty jańbyr jaýady. Kúndiz burshaq pen daýyldy jel kútiledi. Túnde jáne tańerteń batysy men ońtústiginde tuman túsedi. Jeldiń ekpini sekýndyna 15–20 metrge deıin kúsheıedi. Oblystyń batysynda, soltústiginde jáne ońtústiginde joǵary órt qaýpi saqtalady.
Atyraý oblysynda kúndiz aptap ystyq bolyp, aýa temperatýrasy 35–38 gradýsqa deıin kóteriledi. Oblysta joǵary, soltústik-batysynda tótenshe órt qaýpi saqtalady.
Shyǵys Qazaqstan oblysynyń soltústiginde, shyǵysynda jáne ońtústiginde jańbyr jaýyp, keı jerlerde nóser bolady. Kúndiz burshaq túsip, jel soǵady. Jeldiń ekpini sekýndyna 25 metrge deıin jetýi múmkin. Oblystyń birqatar aýdanynda joǵary jáne tótenshe órt qaýpi saqtalady.
Jambyl oblysynyń ońtústiginde, shyǵysynda jáne taýly aýdandarynda túnde jańbyr men naızaǵaı kútiledi. Kúndiz oblystyń basym bóliginde jańbyr, naızaǵaı, keı jerlerde qatty jańbyr, burshaq jáne jel bolady. Jeldiń ekpini sekýndyna 23–28 metrge deıin kúsheıedi. Óńirde tótenshe órt qaýpi saqtalady.
Jetisý oblysynyń soltústiginde, shyǵysynda, ońtústiginde jáne taýly aýdandarynda jańbyr jaýyp, naızaǵaı oınaıdy. Taýly óńirlerde túnde qatty jańbyr jaýyp, burshaq túsýi múmkin. Jeldiń ekpini shyǵysynda sekýndyna 23–28 metrge deıin jetedi. Oblysta tótenshe órt qaýpi saqtalady.
Batys Qazaqstan oblysynyń batysynda ótkinshi jańbyr jaýyp, naızaǵaı bolady. Kúndiz oblystyń batysy men ońtústiginde aýa temperatýrasy 35–38 gradýsqa deıin kóteriledi. Joǵary órt qaýpi saqtalady.
Qaraǵandy oblysynda jańbyr, naızaǵaı, keı jerlerde qatty jańbyr jaýady. Kúndiz burshaq pen jel kútiledi. Oblysta joǵary jáne tótenshe órt qaýpi saqtalady.
Qyzylorda oblysynda jańbyr, naızaǵaı, shyǵysynda keı jerlerde qatty jańbyr jaýady. Oblystyń ońtústiginde, soltústiginde, shyǵysynda jáne ortalyǵynda burshaq, shańdy daýyl jáne ekpindi jel kútiledi. Óńirde tótenshe órt qaýpi saqtalady.
Qostanaı oblysynyń soltústiginde, shyǵysynda jáne ońtústiginde jańbyr, naızaǵaı bolady. Kúndiz burshaq pen jel kútiledi. Túnde jáne tańerteń oblystyń batysy men soltústiginde tuman túsedi. Óńirde joǵary jáne tótenshe órt qaýpi saqtalady.
Mańǵystaý oblysynyń soltústik-shyǵysynda túnde ótkinshi jańbyr jaýyp, naızaǵaı bolady. Kúndiz oblystyń batysynda jańbyr kútiledi. Aýa temperatýrasy 38 gradýsqa deıin kóteriledi. Joǵary jáne tótenshe órt qaýpi saqtalady.
Pavlodar oblysynda jańbyr, naızaǵaı, keı jerlerde qatty jańbyr jaýady. Kúndiz burshaq túsip, jeldiń ekpini sekýndyna 23–28 metrge deıin kúsheıedi. Oblystyń soltústik-shyǵysynda, ońtústiginde jáne ortalyǵynda joǵary órt qaýpi saqtalady.
Soltústik Qazaqstan oblysynda túnde jáne kúndiz jańbyr jaýyp, naızaǵaı bolady. Keı jerlerde qatty jańbyr, burshaq jáne jel kútiledi. Túnde jáne tańerteń tuman túsedi. Jeldiń ekpini sekýndyna 23–28 metrge deıin jetedi.
Ulytaý oblysynda jańbyr, naızaǵaı, oblystyń soltústiginde, shyǵysynda jáne ortalyǵynda qatty jańbyr jaýady. Kúndiz burshaq pen daýyldy jel kútiledi. Oblysta joǵary jáne tótenshe órt qaýpi saqtalady.
Osy,an deıin Almatyda aptap ystyqtan elektr energııasy jappaı óshkeni týraly jazdyq.
