Nóser, burshaq, daýyl: 16 óńirge aýa raıyna baılanysty eskertý jasaldy

Ulytaý oblysynda túnde oblystyń shyǵysynda jańbyr jaýyp, naızaǵaı oınaıdy. Soltústik-batystan, soltústikten soǵatyn jeldiń ekpini kúndiz oblystyń soltústigi men shyǵysynda 15 m/s-qa jetedi. Kúndiz aýa temperatýrasy +35 gradýsqa deıin kóterilip, aptap ystyq bolady. Oblystyń soltústigi men ortalyǵynda joǵary órt qaýpi, al ońtústigi men shyǵysynda tótenshe órt qaýpi saqtalady. Jezqazǵan qalasynda da joǵary órt qaýpi kútiledi.

Jetisý oblysynyń taýly aýdandarynda jańbyr jaýyp, naızaǵaı oınaıdy, kúndiz keı jerlerde nóser jańbyr jaýady. Alakól kólderi mańynda soltústik-batystan soǵatyn jeldiń ekpini 15–20 m/s bolady. Oblystyń ońtústiginde joǵary, al soltústigi, shyǵysy jáne ortalyǵynda tótenshe órt qaýpi saqtalady. Taldyqorǵanda tótenshe órt qaýpi jarııalanǵan.

Qaraǵandy oblysynyń soltústigi men shyǵysynda jańbyr, naızaǵaı, burshaq jáne daýyldy jel kútiledi. Oblystyń shyǵysynda túnde keı jerlerde nóser jańbyr jaýady. Soltústik-batystan jáne soltústikten soǵatyn jeldiń ekpini kúndiz oblystyń batysynda, soltústiginde jáne shyǵysynda 18 m/s-qa deıin kúsheıedi. Oblystyń shyǵysy men ońtústiginde tótenshe, al batysy men ortalyǵynda joǵary órt qaýpi saqtalady. Qaraǵandy qalasynda túnde jáne tańerteń jańbyr jaýyp, naızaǵaı bolady.

Mańǵystaý oblysynyń batysynda, soltústiginde jáne ortalyǵynda jańbyr jaýyp, naızaǵaı oınaıdy. Soltústik-shyǵystan soǵatyn jeldiń ekpini túnde oblystyń soltústik-batysynda, kúndiz batysynda, soltústiginde jáne ortalyǵynda 15–20 m/s-qa deıin jetedi. Oblystyń soltústik-shyǵysy men ońtústiginde kúndiz +38 gradýsqa deıin aptap ystyq kútiledi. Batysynda joǵary, al soltústik-shyǵysy men ortalyǵynda tótenshe órt qaýpi saqtalady. Aqtaýda joǵary órt qaýpi jarııalanǵan.

Aqmola oblysynyń ońtústigi men shyǵysynda túnde jáne tańerteń jańbyr jaýyp, naızaǵaı oınaıdy. Oblystyń batysy men soltústiginde túnde jáne tańerteń tuman túsedi. Batysynda tótenshe, al ońtústiginde joǵary órt qaýpi saqtalady.

Aqtóbe oblysynyń ońtústigi men shyǵysynda kúndiz ótkinshi jańbyr jaýyp, naızaǵaı bolady. Soltústik jáne soltústik-shyǵystan soǵatyn jeldiń ekpini oblystyń batysynda, ońtústiginde jáne ortalyǵynda 15 m/s-qa deıin jetedi. Kúndiz oblystyń ońtústigi men shyǵysynda aýa temperatýrasy +35…+37 gradýsqa deıin kóteriledi. Soltústiginde joǵary, al batysy, ońtústigi men shyǵysynda tótenshe órt qaýpi saqtalady. Aqtóbe qalasynda joǵary órt qaýpi kútiledi.

Pavlodar oblysynda túnde jańbyr jaýyp, naızaǵaı oınaıdy, oblystyń soltústigi men ońtústiginde nóser jańbyr kútiledi. Kúndiz shyǵysy men ońtústiginde jańbyr, naızaǵaı, burshaq jáne daýyldy jel bolady. Soltústik-batystan soǵatyn jeldiń ekpini 15–20 m/s, keı ýaqytta 23 m/s-qa deıin jetedi. Oblystyń ortalyǵy men shyǵysynda joǵary órt qaýpi saqtalady. Pavlodar qalasynda túnde jańbyr men naızaǵaı, kúndiz ótkinshi jańbyr jaýady. Jeldiń ekpini túnde 15–20 m/s-qa deıin kúsheıedi.

Almaty oblysynyń ońtústiginde ótkinshi jańbyr jaýyp, naızaǵaı bolady. Taý bókteri men taýly aýdandarda keı jerlerde nóser jańbyr jaýyp, kúndiz burshaq túsýi múmkin. Oblystyń batysynda, soltústiginde jáne ońtústiginde tótenshe, al shyǵysy men ortalyǵynda joǵary órt qaýpi saqtalady. Almaty qalasynda jańbyr jaýyp, naızaǵaı oınaıdy, tótenshe órt qaýpi saqtalady. Qonaevta joǵary órt qaýpi kútiledi. Іle Alataýynyń Medeý jáne Bostandyq aýdandarynyń taýly bólikterinde keı ýaqyttarda qatty jańbyr jaýyp, burshaq túsýi yqtımal.

Túrkistan oblysynyń taýly aýdandarynda kúndiz qysqa merzimdi jańbyr jaýyp, naızaǵaı bolady. Soltústik-shyǵystan soǵatyn jeldiń ekpini taýly óńirlerde 15–20 m/s-qa deıin kúsheıedi. Oblystyń basym bóliginde tótenshe, al soltústigi men shyǵysynda joǵary órt qaýpi saqtalady. Shymkent pen Túrkistan qalalarynda tótenshe órt qaýpi jarııalanǵan.

Qyzylorda oblysynda jáne Qyzylorda qalasynda tótenshe órt qaýpi saqtalady.

Qostanaı oblysynyń batysy men soltústiginde tańerteń jáne kúndiz ótkinshi jańbyr jaýyp, naızaǵaı oınaıdy. Túnde jáne tańerteń tuman kútiledi. Soltústik-batystan soǵatyn jeldiń ekpini 15–20 m/s bolady. Oblystyń batysy, shyǵysy jáne ortalyǵynda joǵary, al ońtústigi men ońtústik-shyǵysynda tótenshe órt qaýpi saqtalady. Qostanaı qalasynda túnde jáne tańerteń tuman túsedi.

Abaı oblysynyń batysynda, soltústiginde jáne ońtústiginde túnde jańbyr jaýyp, naızaǵaı bolady. Kúndiz oblystyń batysynda, soltústiginde jáne ortalyǵynda keı jerlerde nóser jańbyr jaýyp, burshaq túsip, daýyldy jel soǵady. Jeldiń ekpini 15–20 m/s, kúndiz 25 m/s-qa deıin jetedi. Oblystyń basym bóliginde joǵary, al soltústik-shyǵysynda tótenshe órt qaýpi saqtalady. Semeı qalasynda jańbyr, naızaǵaı, kúndiz burshaq pen daýyldy jel kútiledi.

Batys Qazaqstan oblysynyń ońtústik-batysynda kúndiz aýa temperatýrasy +35…+36 gradýsqa deıin kóterilip, aptap ystyq bolady. Oblys boıynsha joǵary órt qaýpi saqtalady, al batysy men ońtústik-shyǵysynda tótenshe órt qaýpi kútiledi.

Jambyl oblysynyń taýly aýdandarynda kúndiz jańbyr jaýyp, naızaǵaı oınaıdy. Jeldiń ekpini oblystyń ońtústik-batysynda, soltústik-shyǵysynda jáne taýly óńirlerinde 15–20 m/s-qa deıin kúsheıedi. Oblystyń basym bóliginde tótenshe, al shyǵysy men ońtústiginde joǵary órt qaýpi saqtalady. Taraz qalasynda tótenshe órt qaýpi jarııalanǵan.

Shyǵys Qazaqstan oblysynyń soltústiginde, shyǵysynda jáne ońtústiginde túnde jańbyr jaýyp, keı jerlerde nóser jańbyr bolady. Kúndiz oblystyń batysynda, soltústiginde jáne shyǵysynda jańbyr, naızaǵaı, burshaq jáne daýyldy jel kútiledi. Jeldiń ekpini 15–20 m/s, keı jerlerde 23 m/s-qa deıin jetedi. Oblystyń soltústik-batysynda joǵary, al ońtústiginde tótenshe órt qaýpi saqtalady. Óskemende jańbyr, naızaǵaı, kúndiz burshaq pen daýyldy jel boljanady.

Soltústik Qazaqstan oblysynyń soltústigi men shyǵysynda túnde jańbyr jaýyp, naızaǵaı oınaıdy, burshaq túsip, daýyldy jel soǵady. Kúndiz oblystyń soltústiginde osyndaı aýa raıy saqtalady. Oblystyń batysynda túnde jáne tańerteń tuman túsedi. Soltústik-batystan soǵatyn jeldiń ekpini 15–20 m/s bolady. Oblystyń soltústiginde joǵary órt qaýpi saqtalady. Petropavl qalasynda kúndiz jańbyr jaýyp, naızaǵaı oınaıdy, burshaq túsip, daýyldy jel soǵady.

Aıta keteıik, soltústik-batys tsıklony jáne onymen baılanysty atmosferalyq frontaldy júıeler Qazaqstannyń soltústigi men shyǵysynda aýa raıyna yqpalyn saqtaıdy. Osyǵan baılanysty jańbyr jaýyp, naızaǵaı oınaıdy, jel kúsheıedi, keı jerlerde burshaq jaýýy múmkin ekeni boljanǵan bolatyn.