«Nos» syılyǵynyń qysqasha tizimi jarııalandy
ASTANA. Qarashanyń 5-i. QazAqparat - Qarashanyń 4-inde Krasnoıarskidegi úshinshi kitap jármeńkesinde «Nos» («Novaıa slovesnost» - «Jańa sóz óneri») syılyǵynyń qysqasha tizimi jarııalandy,
dep habarlaıdy QazAqparat OpenSpace saıtyna silteme jasap.
Tizimge mynalar: Andreı Astvatsatýrov - «Jalańash jandar», Tatıana Bocharova - «Novocherkassk: qanquıly besin», Lev Gýrskıı - «Roman Arbıtman », Sergeı Nosov - «Peterbor eskertkishteriniń qupııa ómirleri», Andreı Stepanov - «Adamdarǵa qatysy joq ertegi» jáne Elena Eltang - «Tas úıeńki» endi.
Syılyqtyń jalpy paraǵynda 30 kitap bolǵan. Short-paraqqa engen barlyq úmitkerler 40 myń rýblden alady; «Jańa sóz óneriniń» jeńimpazy qańtardyń aıaǵynda anyqtalady. Jeńimpaz músinge qosa 700 myń rýbl alady.
Mıhaıl Prohorov qory 2009 jyly Gogoldiń 200 jyldyq mereıtoıyn toılaý kezinde «Nos» («Novaıa slovesnost» - «Jańa sóz óneri») syılyǵyn taǵaıyndaǵan bolatyn. Uıymdastyrýshylar syılyqtyń mindeti «orys tilindegi qazirgi zamanǵy kórkem sóz óneriniń jańa talanttaryn ashý jáne kómek kórsetý» ekenin ataıdy. Syılyq jyl saıyn tapsyrylady dep josparlanýda.
