Norvegııanyń táýelsiz qory 1 trln dollarǵa deıin ósti
BRıÝSSELЬ. QazAqparat - Norvegııa táýelsiz qorynyń kólemi álemdik qor naryǵynyń ósýi men dollardyń álsireýine baılanysty alǵash ret 1 trln dollarǵa jetti, dep habarlaıdy «QazAqparat» HAA menshikti tilshisi.
«Qordyń kúnderdiń kúninde 1 trln dollarǵa jetetinin bireý kútti dep oılamaımyn. Sebebi, munaıdan 1996 jyldyń mamyrynda alǵash ret tabys túsken edi», - dedi qordyń atqarýshy dırektory Ingve Slıngstad seısenbi kúni.
Bul soma Norvegııada turatyn 5,3 mln adamnyń árqaısysyna 192 myń dollardy quraıdy. Sondaı-aq, eldiń úkimeti qor kóleminiń 2025 jylǵa deıin 10,5 trln kronǵa (1,3 trln dollar) jetetin kútýde.
Aıta keteıik, qor bolashaq urpaqqa munaı men gazdan túsetin tabysty basqarý úshin 1996 jyly qurylǵan. Onyń aktıvteri 2002 jyldan beri 13 esege ósken. 2016 jyldyń sońynda qor aktıvteriniń jartysyna jýyǵy salynǵan ınvestıtsııanyń tabystylyǵyn kórsetti.
