Norvegııanyń soltústiginde jarylǵysh zaty bar júk kóligi maraldar tabynyn qaǵyp ketti
ASTANA. 4 qarasha. QazAqparat - 15 tonnadan kóp jarylǵysh zattardy tasymaldap kele jatqan júk kóligi Norvegııanyń soltústiginde apatqa ushyrady.
Norvegııalyq NRK arnasynyń habarlaýynsha, júk kóliginiń júrgizýshisi jolǵa shyǵyp ketken maraldarmen soqtyǵyspaý úshin jol jıegine kúrt buryp, aýdarylyp ketken. Jol apaty kezinde jarylǵysh zat órtengen joq, júrgizýshi aman, biraq segiz janýar óldi.
Norvegııada 40 myńǵa jýyq maral bar. Al kólik apattaryna kóbinese jabaıy emes, qolǵa úıretilgen soltústik maraldar sebep bolady. Norvegııada olardyń sany jabaıy tuqymdastaryna qaraǵanda birshama kóp, olar adamdardan qoryqpaıdy jáne eldi mekenderdiń qasynda kóptep kezdesedi.
