Norvegııanyń soltústiginde qar kóshkini júrip, tórt adam mert boldy
ASTANA. QazAqparat – Norvegııanyń soltústiginde birneshe ret qar kóshkini júrip, tórt adam qaza tapqan. Onyń ekeýi týrıst bolsa, ekeýi jergilikti turǵyn. Sondaı-aq, birneshe adam zardap shekkeni habarlandy. Aýa raıynyń nasharlyǵy qutqarý jumysyna kedergi keltirip jatyr, dep habarlaıdy QazAqparat Euronews agenttigine silteme jasap.
Jyldyń bul mezgilinde Norvegııada kún saıyn qar kóshkini bolady, el aýmaǵynyń 7%-y qaýip aımaǵynda tur.
Jergilikti turǵyndar mert bolǵan Reınoıa eldimekeninde saraı men 140 serkeden turatyn otar ashyq teńizge aǵyp ketti.
Tromse kommýnasynyń turǵyndary qar kóshkini júrý qaýpi bolǵandyqtan, evakýatsııalandy. Qaýip jeksenbi kúni de seıilmeıdi. Fınmark aýdanynda Hammerfest qalasyna aparatyn jol jabyldy.Eýropada jyl saıyn júzdegen adam qar kóshkininiń qurbany bolady. Norvegııada keıingi on jylda 60-tan astam adam qaıtys boldy, qaıǵyly oqıǵanyń kóbi eldiń soltústiginde bolǵan. Qurban bolǵandardyń kóbi - frıraıderler.
