Norvegııalyqtar Barentsev teńizinen iri munaı kenishin tapty
ASTANA. 9 qańtar. QazAqparat - Norvegııalyq Statoil munaı toby Barentsev teńizinen munaı men gaz kenishin tapty, dep habarlady Lenta.rý saıty.
Onyń qory 300 mıllıon barrel munaı ekvıvalentine baǵalanyp otyr. Bul týraly kompanııa dúısenbi kúni, 9 qańtarda óziniń baspasóz baıanynda habarlady. Jańa kenish Havis degen ataýǵa ıe boldy.
Baspasóz baıanynda bul Statoil-dyń Barentsev teńizinen sońǵy toǵyz aıda tapqan ekinshi iri munaı kenishi ekeni atalyp ótken. Budan buryn kompanııa qory jaǵynan Havis kenishimen shamalas Skrugard kenishin tapqan bolatyn.
Barentsev teńiziniń qaırańynan munaı men gaz óndirýge reseılik jáne norvegııalyq kompanııalar úmittenip otyr. 2011 jyldyń ortasynda BAQ Reseı men Norvegııa 2013 jyly arktıkalyq qaırańnan munaı men gaz óndirýdi bastaıtyndyǵyn habarlaǵan bolatyn. 2011 jyldyń sońynda «Rosneft» kompanııasy Barentsev teńizinen munaı óndirý úshin birneshe ýchaskege qol jetkizdi.
Osy teńizdiń qaırańynda munaı qorynan basqa gaz kenishi de bar. Onyń eń irisi - Shtokmanovskoe. Onyń qory 3,8 trıllıon tekshe metr tabıǵı gazǵa jáne 37 mıllıon tonnaǵa jýyq gaz kondensatyna baǵalanyp otyr.
