Norvegııalyq telejýrnalıst efırde 33 saǵat boıy aýa raıy boljamyn júrgizgen
ASTANA. QazAqparat - Norvegııalyq TV2 arnasynyń júrgizýshisi Elı Karı Gengedal (Eli Kari Gjengedal) 33 saǵat boıy efırde bolyp, álemdik rekordty jańartty. Osy ýaqyt boıy ol kórermenderge aýa raıy boljamyn baıandaǵan, dep habarlady The Local basylymy.
Aldyńǵy rekord 24 saǵatty quraǵan.
«Bul - ekrandaǵy ýaqyty 2,5 mınýtpen ǵana shekteletin sınoptıktiń armany», - dedi jýrnalıst efırdiń aldynda.
Gengedal baǵdarlamany Oslodaǵy Domkırkeplassen alańynda shynydan jasalǵan shaǵyn stýdııada júrgizgen. Álemdik rekordty tirkeý talaptaryna sáıkes, jýrnalıst ár 60 mınýttyq efırden keıin 5 mınýttyq úziliske shyǵa aldy.
Baǵdarlamany júrgizip bolǵan soń Gengedal bul jetistigin toılaıtynyn aıtty.
