Norvegııalyq shabýylshy Erlıng Holand Aǵylshyn chempıonatynda absolıýtti rekord ornatty
«Vest Hem» klýbymen ótken matchta (3:0) E.Holand úsh goldyń bireýiniń avtory atandy.
Osylaısha, norvegııalyq shabýylshy bıylǵy maýsymda soqqan gol sanyn 35-ke jetkizdi. Sóıtip ol Endı Koýl (40 matchta 34 gol, 1993-1994) men Alan Shırerdiń ((34 gol, 1994-1995) kórsetkishinen asyp tústi.
«Bul – men úshin erekshe sát. Men óte baqyttymyn jáne munymen maqtanamyn. Basqa ne aıta alamyn. Árıne, men rekord týraly bildim, gol soǵýǵa tyrystyq, olar qorǵanǵandyqtan, bul ońaıǵa túspedi. Birinshi taımda biz kúsh saldyq, ekinshi kezeńde gol soǵatyn sátter aqyry keldi», dedi Holand.
«Manchester Sıtı» Anglııa birinshiliginde 33 oıynnan 79 upaı jınap, týrnır kestesinde kósh bastap keledi.
Eske sala keteıik, budan buryn aǵylshyn klýbynyń shabýylshysy taǵy bir úzdik kórsetkishine qol jetkizgenin jazǵan bolatynbyz.
