«Norvegııalyq lańkeske» qatysty sot úrdisi tek 2012 jyly bastalady
ASTANA. 29 shilde. QazAqparat - Norvegııalyq lańkes Anders Breıvıkke qatysty sot úrdisi tek 2012 jyly ǵana bastalady.
Bul jóninde Norvegııanyń bas prokýrory Týr-Aksel Býsh málimdedi, dep habarlaıdy «Maıak» radıosy.
Onyń aıtýynsha, qazir olardy "kelesi jyly bul úrdis qansha ýaqytqa sozylýy múmkin?" degen suraq alańdatyp otyr.
Breıvık 22 shilde kúni Oslo úkimettik kvartalynda jarylys jasap, birneshe saǵattan keıin Ýteııa aralyndaǵy jastar lagerine shabýyl jasaý ústinde 68 adamdy esh aıaýsyz qyryp tastaǵanyn moıyndady. Ol jerde qaza bolǵandar ishindegi eń jasy bar-joǵy 14 jasta bolatyn. Búgin polıtsııa qyzmetkerleri aralda izdestirý sharalaryn tolyq aıaqtady.
