Norvegııalyq kompanııa iri munaı ken ornyn ashty
BRıÝSSELЬ. QazAqparat - Norvegııalyq Statoil munaı-gaz kompanııasy Shotlandııa jaǵalaýlarynan alynatyn qory kem degende 25 mln barrelge jetetin munaıdyń ken ornyn tapty, dep habarlaıdy «QazAqparat» HAA menshikti tilshisi.
Jańa ken orny Soltústik teńizindegi Morı-Fert shyǵanaǵynyń syrtqy shekaralarynan tabyldy.
«Aldyn ala kórsetkishter boıynsha ken ornynyń qory 25-ten 130 mln barrelge deıin túrlenýi múmkin», - dedi norvegııalyq kompanııa.
Statoil kompanııasynyń Norvegııa jáne Ulybrıtanııa boıynsha geologııalyq barlaý jumystary jónindegi aǵa vıtse-prezıdenti Djez Evertıdiń aıtýynsha, kompanııa «munaıly qumda munaıdyń jaqsy kórsetkishtegi joǵary sapaly rezervýar kórsetkishteri bar ekenin bekitti».
Bul jobanyń 70%-y Statoil-ge tıesili. Kompanııanyń basqa eki seriktesteri - Jersey Oil and Gas jáne CIECO V&C - sáıkesinshe 18% jáne 12% úleske ıe.
