Norvegııalyq fızık eksperıment úshin sý ishinde óz-ózine oq atty - VIDEO
ASTANA. QazAqparat - Norvegııalyq fızık Andreas Val jantúrshigerlik eksperıment jasaýǵa sheshim qabyldaǵan. Ol tájirıbe barysynda fızıka zańdylyqtarynyń áreketin kórsetken. Ǵalym Andreas Val arnaıy úshtaǵanǵa ornatylǵan myltyqpen sý astyna ózine oq atty, dep jazady sheteldik BAQ.
Onyń batyl eksperımentiniń vıdeosyn NRK teleradıokompanııasy jarııalady. SIG SG 550 myltyǵy ózinen úsh metrdeı qashyqtyqta basseınniń túbine ornatylǵan. Ǵalym qarýǵa qarsy turyp, bir ushy avtomattyń tartpasyna baılanǵan jipti sál qozǵap, óz-ózine oq atqan.
Abyroı bolǵanda, oq ǵalymǵa jetpeı qaldy, onyń kınetıkalyq energııasy oq atqannan keıin sý ishinde birden tómendep ketken. Rolıkte 5,56 mm kalıbrli oqtyń sý astynda 1,5 metrge deıin qalaı jetkeni anyq kórinedi. Bul aýaǵa qaraǵanda, sýdyń qurylymy tyǵyz ekendigin bildiredi. Sondyqtan oq jyldamdyǵy atqannan soń birden tómendeıdi de, adam úshin qaýip týdyrmaıdy.
