Norvegııalyq bıatlonshy Borndalen olımpıadalyq vıntovkasynan aıyrylyp qaldy
ASTANA. QazAqparat - Sochı Olımpıadasynda 2 ret altynnan alqa taqqan norvegııalyq bıatlonshy Ýle-Aınar Borndalen Tsıýrıhke ushqan kezde óz myltyǵyn joǵaltyp aldy.
Bul týraly norvegııalyq BAQ habarlady. Borndalenniń myltyǵy Tsıýrıh áýejaıyna jetkizilmepti. "Vıntovkany stadıonda tirkegen edim. Keıin maǵan onyń áýejaıǵa jetkizilgenin málim etti, - delingen sportshynyń habarlamasynda. - Alaıda Tsıýrıh áýejaıynda ózge jeke zattarymnyń arasynan myltyqty taba almadym. Іzdeýge ótinish jazýǵa májbúr boldym. Bul jaǵdaı meni alańdatty. Myltyq tabylmasa, men úshin úlken problema týyndaıyn dep tur ".
19 aqpandaǵy aralas estafetadaǵy Norvegııa quramasynyń jeńisinen keıin Borndalen qysqy oıyndar tarıhyndaǵy ataqty tulǵaǵa aınaldy. Jalpy sportshy 13 olımpıadalyq nagradaǵa ıe bolǵan. Onyń segiz altyn, tórt kúmis jáne bir qola medali bar, dep habarlaıdy ITAR-TASS.
