Norvegııadaǵy Anneııa ǵarysh aılaǵynan ushyrylǵan zymyran apatqa ushyrady

ASTANA. KAZINFORM — Norvegııanyń Anneıa ǵarysh aılaǵynan ushyrylǵan zymyran jeksenbi kúni áýege kóterilgennen keıin kóp uzamaı qulap, jaryldy, dep habarlaıdy Sınhýa.

Germanııanyń Isar Aerospace kompanııasy shyǵarǵan Spectrum zymyrany jergilikti ýaqyt boıynsha saǵat 12:30–da ushty, biraq kóterilgennen keıin shamamen 20 sekýndtan soń traektorııasynan aýytqı bastap, jerge qulap, jaryldy.

Tikeleı kórsetilim kezinde qatty jarylys estildi, al beınejazbadan uzyndyǵy 30 metrge jýyq, salmaǵy 50 tonnalyq zymyrannyń Anneıa aralyndaǵy Nordmeldegi ushyrý alańynyń janynda qulaǵanyn kórýge bolady.

Zardap shekkender týraly málimet kelip túsken joq. Ǵarysh aılaǵynyń operatory Andoya Space kompanııasynyń habarlaýynsha, daǵdarysqa qarsy áreket etý toby jumyldyrylǵan jáne ol jaǵdaıdy baǵalaý úshin tótenshe jaǵdaılar qyzmeti jáne Isar Aerospace kompanııasymen tyǵyz jumys istep jatyr.

— Operatsııalyq qyzmet kezindegi qaýipsizdik — Anneııa ǵarysh aılaǵy úshin eń joǵary basymdyq, — delingen Andoya Space baspasóz habarlamasynda.

Oqıǵanyń sebebi anyqtalyp jatyr. Andoya Space jáne Isar Aerospace jańartylǵan aqparat qoljetimdi bolǵan kezde ony berýge ýáde berdi.

Buǵan deıin Norvegııada Ekinshi dúnıejúzilik soǵys kezindegi alyp bomba tabylǵanyn jazǵan edik.