Norvegııada tramvaı relsten shyǵyp, dúkenniń ishine kirip ketken

ASTANA. KAZINFORM – Norvegııa polıtsııasynyń habarlaýynsha, oqıǵadan tórt adam zardap shekken. El astanasynyń ortalyǵynda qozǵalys shekteldi, dep habarlaıdy NRK.

Polıtsııanyń habarlaýynsha, tramvaı júrgizýshisin qosa alǵanda tór adam zardap shekken. Oqıǵa bolǵan kezde qoǵamdyq kólikte 20 adam bolǵan.

«Qazir onda alasapyran bolyp jatyr. Munda polıtsııa qyzmetkerleri óte kóp, sondaı-aq órt sóndirýshi kólikter júr, al adamdar dańǵyldan qalaı óterin bilmeı sandalyp júr»,-dedi kýágerlerdiń biri.

Oqıǵa bolǵan mańdaǵy aýdandarda elektr qýaty sóndirildi. Oqıǵa bolǵan Sýrgata kóshesinde qozǵalys ishinara shekteldi. Tramvaı kirip ketken ǵımarattan adamdar evakýatsııalandy. Polıtsııa oqıǵanyń mán-jaıyn anyqtaýǵa kiristi.

Osyǵan deıin Norvegııanyń benzınmen júretin kólikterge qaraǵanda elektromobılder sany boıynsha kósh bastaǵanyn jazdyq.