Norvegııada tórt jasar qyz uıqysurap úıinen uzap ketken
ASTANA. QazAqparat - Tórt jasar norvegııalyq búldirshin uıqysurap túsinde 4 shaqyrymnan artyq jol júrgen. Bul Norvegııanyń soltústik óńirindegi Honnıgsvog qalashyǵynyń turǵyny tańǵy 6-da uıyqtap jatqan balany taýyp alyp, polıtsııaǵa habarlaǵannan keıin anyqtalyp otyr, dep jazady Rosbalt.
Dúısenbi kúni, 15 qyrkúıekte, taǵy 6:15-te polıtsııaǵa qońyraý túsip, qala turǵyny kireberiste juqa kıimmen qyz bala uıyqtap jatqanyn habarlaǵan.
Polıtsııa onyń óz úıinen Honnıgsvogke deıin tórt shaqyrym uqıaly-oıaý júrip kelgenin anyqtady. Sol túni ol aımaqta daýyl turyp, túnde temperatýra nólge deıin tómendegen. Biraq, ol da qyzdy uıqysynan oıata almaǵan, densaýlyǵy da jaqsy.
Batys Fınnmark polıtsııasynyń basshysy ıAn-Ýlaf Shelberg basylymǵa búldirshinniń týystarymen habarlasqanyny aıtty. Ol polıtsııaǵa óz esimi men mekenjaıyn aıtyp bergen.
Týystarynyń aıtýynsha, mundaı jaǵdaı kishkentaı qyzdyń basynan birneshe ret ótken, alaıda dál mundaı uzaq qashyqtyqqa túsinde «sapar» shegýi birinshi ret eken.
