Norvegııada sheteldik týrıster mingen avtobýs órtendi
ASTANA. QazAqparat - Sheteldik týrıster mingen shvedtik avtobýs Norvegııanyń soltústik-shyǵysyndaǵy Gýdvanga tonnelinde órtke orandy, dep habarlaıdy TASS shvedtik The Local basylymyna silteme jasap.
Oqıǵa saldarynan jeńil jaraqat alǵan bes adam aýrýhanaǵa jetkizildi. Tonnelden barlyǵy 30-dan astam adam qaýipsiz jerge shyǵarylǵan. Ázirge órttiń shyǵý sebepteri belgisiz. Tonnel jabyldy, qutqarý qyzmetteri jumys jasaýda. Jaz maýsymynda uzyndyǵy 11,6 shaqyrymǵa sozylatyn Gýdvanga tonneli mańyndaǵy Nereı-fordqa álemniń barlyq túkpirinen týrıster keledi.
