Norvegııada shańǵy sportynan álem chempıonaty bastaldy

ASTANA. KAZINFORM – Búgin araǵa 28 jyl salyp, shańǵy jarysynan kezekti álem chempıonatyn Norvegııanyń Tronheım qalasynda jalaýyn jelbiretti.

Esterińizge sala ketsek, ataqty Granesen trassasynda 1997 jylǵy álem chempıonatynda táýelsiz Qazaqstannyń tuńǵysh Olımpıada chempıony Vladımır Smırnov baq synap, 10 shaqyrymǵa klassıkalyq ádispen jarysta 4-oryn alǵan bolatyn.

Mine, búgin sol jarys alańynda sprınt básekesinen (1,4 shaqyrym) erler men áıelder alǵashqy júldeni sarapqa saldy.

Atalǵan dodany tamashalaýǵa 20 myńǵa jýyq jankúıer jınalyp, sportshylarǵa qoldaý kórsetti.

Atalǵan básekege Qazaqstan sportshylary da qatysyp jatyr. Ókinishke qaraı otandastarymyz úzdikter qatarynan kórine alǵan joq.

Qazaqstandyq sportshylardyń nátıjesi:

Erler - 63 el, 183 sportshy

62- oryn – Svıatoslav Matasov - 2:52.30

73- oryn – Konstantın Bortsov - 2:54.98

81- oryn – Ernar Nurysbekov - 2:56.86

88- oryn – Oljas Klımın - 2:59.03

Áıelder - 47 el, 121 qatysýshy

45- oryn – Darıa Rojko - 3:17.87

48- oryn – Nadejda Stepashkına - 3:18.63

58- oryn – Angelına Shýryga - 3:23.31

66- oryn – Ksenııa Shalygına - 3:30.07

Shańǵydan kezekti báseke 1 naýryzda jalǵasady.