Norvegııada Reseı azamattary bar avtobýs aýdaryldy, opat bolǵandar bar
ASTANA. 19 qarasha. QazAqparat - Norvegııadaǵy Hammerfest qalasynyń mańynda «Borıs Zaıtsev» atyndaǵy reseılik traýlerdiń aýysym ekıpajyn apara jatqan avtobýs aýdaryldy,
dep habarlaıdy Bı-Bı-Sı.
Aldyn ala boljanǵan málimetterge qaraǵanda, jol kólik apatynyń saldarynan 1 adam mert bolyp, 4-ýi aýyr jaraqat alǵan. Oqıǵa ótken túnde jergilikti ýaqyt boıynsha 3.30-da oryn alǵan.
Avtobýsta traýler ekıpajynyń 20 múshesi bara jatqany málim boldy.
Apattyń saldary habarlanyp jatyr. Alaıda jol kólik apaty aýa raıynyń qolaısyzdyǵynan bolýy múmkin degen aqaparat teriske shyǵarylmaı otyr. Hammerfest Norvegııanyń soltústiginde ornalasqan, aýa raıynyń málimeti boıynsha óńirde túnde qar jaýǵan.
