Norvegııada polıtsııa men sot qyzmetkerlerine sharıǵat talabyna saı kıinýge ruqsat berildi
ASTANA. 27 qańtar. QazAqparat - Norvegııa bıligi polıtsııa men sot qyzmetkerlerine qyzmet barysynda dinı sımvoly bar kıimderdi, onyń ishinde, hıdjap, taqııa, t.b. kıip júrýge ruqsat berdi,dep habarlaıdy muslim.kz.
«Novye ızvestııa» basylymyna silteme jasap.
Osyǵan baılanysty dinı jáne dúnıetanymǵa qatysty túıtkildi máselelermen aınalysatyn úkimet komıssııasynyń 12 múshesi jaqtap daýys berse, tek úsheýi ǵana qarsy ekendikterin bildirgen.
Basylymnyń habarlaýynsha, polıtsııanyń qyzmet kıimine dinı elementterdi engizý máselesi 2008 jyldan beri parlament qabyrǵasynda jáne BAQ-ta keńinen talqylana bastaǵan. Buǵan basyna oramal tartyp, sharıǵat sheńberinen qııa basyp shyqpaýdy qup kóretin musylman qyzy, Polıtsııa joǵary mektebiniń stýdenti Keltým Mýssımniń ótinishi sebep bolǵan.
Al buǵan eldegi oppozıtsııa men polıtsııa ókilderiniń odaǵy tártip saqshylarynyń kıimi biryńǵaı formada bolý kerek dep óre túregeldi.
