Norvegııada qyzdar da armııada qyzmet etýge mindetti bolmaq
ASTANA. 17 maýsym. QazAqparat - Norvegııada depýtattar qyzdardy da erlermen birdeı armııada qyzmet etýge mindetteıtin zań jobasyn qabyldady, dep habarlady ITAR-TASS.
Erikti armııa qyzmeti endi mindetke aınaldy. Jigittermen qatar qyzdardy da armııa qataryna shaqyrý 2015 jyldan bastalmaq.
"Búgin - tarıhı kún. Endi áıelder de eldiń qorǵanys qabiletine yqpal etýi norveg áskerimen qatar, olardyń ózderine de mańyzdy", - dedi koroldiktiń qorǵanys mınıstri Anne-Grete Strem-Erıksen.
"Men Norvegııanyń Eýropa elderinde alǵashqy bolyp qarýly kúshterge áıelderdi shaqyrýdy mindetke aınaldyrǵanyn maqtan etemin, basqa memlektter de bizdiń úlgimizdi qostaıdy, dep senemin", - dedi el SІM basshysy Espen Bart Eıde.
Birneshe jyldan beri Norvegııa úkimeti áıelderdi eldiń ekonomıkalyq jáne áleýmettik salasyna tartýǵa járdemdesýde. Naq osy memlekette saıası qyzmette otyrǵan jáne top-menedjer qyzmetin atqaratyn áıelder basqa eldegiden áldeqaıda kóp.
Búginde eldegi qarýly kúshter qatarynda áıelderdiń úlesi 10 paıyzǵa jýyqtaıdy. Jańa zań osy kórsetkishti eki ese - 20 paıyzǵa deıin ulǵaıtýǵa múmkindik beredi. Jyl saıyn norveg armııasynyń qataryn 9 myń adam tolyqtyrady. Sarapshylar áskerde qyzmet etý burynǵysha armııamen óz taǵdyryn baılanystyrǵysy keletinderdiń isi bolady, bul arada jynysy mańyzdy emes, dep atap ótýde.
Sondaı-aq Kýbada, Izraılda, Lıvııada, Týnıste jáne ortalyq Afrıkanyń keıbir elderinde áıelderdiń armııada qyzmet etýi mindetti.
