Norvegııada koronavırýstyń aldyn alý úshin GPS pen Bluetooth qoldanylady
OSLO. QazAqparat – Norvegııanyń qoǵam densaýlyǵyn saqtaý ınstıtýty katolıkterdiń pasha demalysynan keıin deni saý adamnyń COVID-19 indetin juqtyrǵan adamǵa eki metrden kem jáne 15 mınýttan artyq jaqyndaǵanyn anyqtaıtyn mobıldi qosymshany iske qosýdy josparlap otyr, dep habarlaıdy QazAqparattyń menshikti tilshisi.
Qosymshany ornatyp alǵan adam óziniń indet juqtyrǵany týraly habarlama alsa, osyndaı qosymshasy bar basqa adamdarǵa da bul týraly habarlama keledi.
Sonymen birge, qupııalylyqty saqtaý maqsatynda koronavırýs juqtyrǵan adammen qashan, qaıda jáne qansha ýaqyt aralasqanyńyz týraly málimet berilmeıdi.
«Biz bul jumysty aıaqtaý úshin bar kúshimizdi salyp jatyrmyz», - dep atap ótti FHI óńirlik dırektory Gan Peggı Knýdsen.
Ol qosymshanyń GPS pen Bluetooth belgileri dertke shaldyqqan adamdy anyqtaý úshin qoldanylatynyn túsindirip, ony kóptegen adam júktep alatynyna úmit bildirgen.
Avtor: Іlııas Omarov
