Norvegııada qazaqstandyq kınotýyndylar kórsetildi
Oslo qalasynyń «Felix Kino» kınoteatrynda rejısser Rústem Ábdirashovtyń «Qazaq handyǵy» kınoepopeıasynan alynǵan «Almas qylysh» pen Nurgeldi Sadyǵulovtyń «Balýan Sholaq» fılmderi kórsetildi.
Qazaqstannyń Norvegııadaǵy elshisi Erkin Ahınjanov Koroldiktiń astanasynda kórsetilimderdiń ashylýynda Qazaqstannyń qalyptasýyndaǵy mańyzdy tarıhı sátterdi beıneleıtin, keıinnen memleketimizdiń qalaı qurylǵanynan syr shertetin fılmderdiń tarıhy týraly aıtty.
Koroldiktiń munaıly astanasy sanalatyn Stavanger qalasynyń «ODEON Kino» ortalyq kınotearynda norveg kórermenderine sheteldik prokatta «Parıj áýeni» degen atpen tanymal rejısser Djeff Vespanyń «Ámire» fılmi usynyldy.
«Fılm Parıjde ótken EKSPO-1925 sharasynda qazaqtardyń vokaldyq ónerin jáne ulttyq dombyramyzdy eýropa jurtshylyǵyna alǵash tanystyrǵan qazaqtyń ánshisi Ámire Qashaýbaevtyń ómirni baıandaıdy», – dep atap ótti qazaqstandyq elshi kórsetilim aldynda.
«Osyndaı tarıhı kıno túsirýlerińizben quttyqtaımyz! Men óz ómirimde kóp nárseni kórdim, biraq mynany kórgennen keıin tańdandym. Túsirilim alańynyń aýqymy, akterler men kaskaderlerdiń kásibıligi, kostıýmder men sahna dızaınerleriniń jumysy tańqalarlyq», – deıdi 92 jastaǵy saıasatker Hans Henrıksen.
Buǵan deıin habarlanǵandaı, Oslo jáne Stavanger qalalarynda Qazaqstannyń Elshiligi Tuńǵysh Prezıdent - Elbasy Nursultan Nazarbaevtyń norveg tiline aýdarylǵan «Álemniń epıtsentri» kitabyn tanystyrǵan bolatyn.
Sodan keıin Norvegııa astanasynyń Djaz sahnasynda «Uly Dala» etnıkalyq folklorlyq toby óner kórsetti. Al Qazaqstan men Norvegııa ańyzdary qatysqan Holmenkollen shańǵy-tramplıng kesheninde ornalasqan áıgili shańǵy mýzeıinde «Qazaqstan - Norvegııa: sporttyq dıplomatııa» atty kórmeniń ashylýy boldy. Oǵan qazaq jáne norveg sport sańlaqtary men álem jáne Olımpıada chempıondary Vladımır Smırnov, Sten Stensen, Vegard Ýlvan qatysty.
Avtor: Іlııas Omarov