Norvegııada qasqyrlardy jappaı qyrýǵa ruqsat berildi
ASTANA. QazAqparat - Norvegııa bıligi qasqyrdy atýǵa arnalǵan 47 ruqsat qaǵazyn taratyp berdi, dep jazady «Habar 24».
Bul jańalyqty jergilikti fermerler qýana qarsy alsa da, tabıǵatty qorǵaýshy uıymdar qarsylyq bildirdi. Sebebi bul qadam eldegi fermerlik sharýashylyqtardaǵy janýarlardy túz taǵysynan qorǵap, sol arqyly fermerlerden túsetin qarajatty arttyrý maqsatynda jasalyp otyr, dep jazady gismeteo.
Rovdata uıymynyń habarlaýynsha, ótken qysta el aýmaǵynda nebári 68 qasqyr bolǵan. Biraq, kóktem aılarynda olar kóbeıip, sany artqan bolýy múmkin. Al jaz aılarynda Norvegııa parlamenti qasqyrlardyń sanyn edáýir azaıtýǵa ruqsat beretin qujatty maquldaǵan edi.
