Norvegııada qaskúnem 4 adamdy sadaqpen óltirdi – BAQ
NUR-SULTAN. QazAqparat – Norvegııanyń ońtústigindegi Kongsberg qalasynda bolǵan oqıǵadan keminde 4 adam kóz jumdy, dep habarlaıdy QazAqparat euronews aqparat agenttigine silteme jasap.
Jergilikti polıtsııa ókili Eıvınd Os baspasóz konferentsııasynda zardap shekkender men qaza bolǵandardyń naqty sanyn aıtpady. Alaıda jergilikti BAQ-tyń habarlaýynsha, kem degende tórt adam kóz jumǵan.
Qaskúnem kóshede ketip bara jatqan adamdarǵa sadaqtan oq jaýdyrǵan. Tártip saqshylary ony ustady.
Quqyq qorǵaý organdary bul shabýyldyń lańkestik akti bolǵanyn joqqa shyǵarmaıdy.
Kongsberg – 30 myń turǵyny bar qala.
Eske salsaq, oqıǵa keshe keshki altydan keıin bastalǵan. Mergen óz qurbandaryna birneshe jerde, sonyń ishinde sýpermarkette shabýyldaǵan. BAQ habarlaýynsha, er adam ózimen birge basqa qarý da ustap júrgen.
