Norvegııada hokkeı chempıonatynyń matchy segiz saǵatqa sozyldy
ASTANA. QazAqparat - Norvegııada hokkeı chempıonatynyń pleı-off kezeńinde «Storhamar» men «Sparta» arasyndaǵy match hokkeı tarıhyndaǵy eń uzaq oıyn atandy.
Jeńimpazdy anyqtaý úshin rekordty segiz overtaım qajet bolǵan.
Jeksenbi kúni Hamar qalasynda bolǵan kezdesý 2:1 esebimen aıaqtaldy. Oıynnyń toǵyzynshy saǵatynda jeńisti shaıbany alań qojaıyndarynyń forvardy Ioakım Iensen saldy.
Match jergilikti ýaqytpen 18:00-de bastalyp, túngi eki jarymda aıaqtaldy. Onyń taza ýaqyty 217 mınýt 14 sekýndty qurady.
