Norvegııada eldegi eń baı adamdardyń biriniń zaıybyn urlap ketti
ASTANA. QazAqparat - Norvegııada álemdegi eń baı adamdardyń biri - Tom Hagenniń zaıyby urlandy. Qaskúnemder ol úshin aqsha talap etip, qorqytqan, dep habarlaıdy quqyq qorǵaýshylarǵa silteme jasaǵan VG basylymy.
Norvegııalyq mıllıonerdiń zaıyby - 68 jastaǵy Anne-Elızabet Falkevık-Hagenniń 31 qazan kúni Lerenskýgtegi úıinen joǵalǵany aıtylyp otyr. Basylymnyń málimetinshe, urlaǵan adamdar krıptovalıýta túrinde 9 mln eýro aqsha talap etken.
Quqyq qorǵaýshylar áıeldi izdeý úshin qatań qupııalylyq jaǵdaıynda shuǵyl sharalar qoldanǵan. Іstiń mán-jaılary týraly tek qazir ǵana belgili boldy. Óıtkeni bastapqyda urlaý faktisin jarııalaý jaǵdaıynda áıeldiń ómiri men densaýlyǵyna qaýip tónetin bolǵan.
