Norvegııada áıelderdiń de áskerge baratynyn mindetteıtin zań shyqty
ASTANA. QazAqparat - Norvegııalyq parlament ásker qataryna shaqyrylý er adamdar úshin ǵana emes, áıelderge de mindetti bolatyn zańdy maquldady, dep habarlaıdy fullpicture.ru.
Norvegııa beıbit ýaqytta osyndaı jańalyqty engizgen NATO-nyń birinshi múshe memleketi. Bul er men áıeldiń teńdigi prıntsıpin saqtaý úshin jasalǵan qadam.
Norvegııalyq saıasatkerlerdiń pikirinshe, quqyqtar men mindetter barlyǵy úshin birdeı bolýy tıis. Al ásker áıel ne er adam ekenine qaramastan úzdik resýrstarǵa qol jetkize alýy kerek.
Budan bylaı 1997 jyly jáne odan keıin dúnıege kelgen qyzdar 19 jasqa tolǵanda Norvegııanyń qarýly kúshteri qatarynda qyzmet etýge mindetti.
Osy ýaqytqa deıin norvegııalyq qarýly kúshteri qataryna áskerı qyzmetke áıelder óz qalaýymen qabyldanyp kelgen.
Eldiń saıasatkerleri norvegııalyq áskerdiń «genderlik qatynasta beıtarap» bolýy tıis dep sanaıdy. Bul jańalyq barlyǵyna birdeı unaǵan joq, onyń qarsylastary fızıkalyq teńsizdikti ózgertý múmkin emes dep sanaıdy.
Áıelder Norvegııanyń qarýly kúshteriniń barlyq túrlerinde qyzmet etedi.
Áıel adamdar 2016 jyldyń ortasyna deıin áskerge mindetti túrde shaqyrylatyn bolady, ásker qataryna 44 jasqa deıingi áıelder alynady.
Norvegııadaǵy názik jandylar 1976 jyldan bastap áskerı qyzmetke óz erkimen atsalysyp kelgen.
