Norvegııada aıazda sýǵa shomylýshylar Gınnestiń jańa rekordyn ornatty
ASTANA. KAZINFORM — Norvegııada sý temperatýrasy 9,9 gradýstyq salqyn teńizde bir mezette 3 134 adam teńizge shomylyp, keminde 10 sekýnd boıy belýardan sýǵa túsip turdy, dep habarlaıdy Azertag.az.
Rekordty Londonnan arnaıy kelgen Guinness rekordtar kitabynyń ókili resmı túrde tirkedi.
Rekord ornatý úshin keminde 2 461 qatysýshyny jınaý, shomylýshylardyń basym bóliginiń arnaıy talaptarǵa saı jabdyqtalýyn qamtamasyz etý jáne sý temperatýrasynyń 10 gradýstan aspaýyn tirkeý qajet bolǵan. Uıymdastyrýshylardyń alańdaýshylyǵyna qaramastan, aýa raıy qolaıly boldy.
Іs-sharaǵa qysqy jáne muzdy sýǵa shomylý klýbtarynyń múshelerimen qosa salamatty ómir saltyn ustanatyn ózge de azamattar qatysqan.
Rekordtyq oqıǵa bolǵan jerde qutqarýshylar men daıverler kezekshilik etken.
Uıymdastyrýshylar 4 myń adamǵa deıin qatysady dep úmittengen eken. Degenmen naqty kórsetkish eń tómengi talaptan asyp, jańa rekordtyń ornaýyna múmkindik berdi.
Aıta ketsek, buǵan deıin Ǵalymjan Balabek sýda júzýden elimizdiń rekordyn jańartty.
