Norvegııada alyp keme jaǵalaýdaǵy úılerdiń birin soǵyp kete jazdady

ASTANA. KAZINFORM – 22 mamyr kúni kúni tań ata Tronheım mańyndaǵy Baıneset shaǵyn aýylynda 135 metrlik konteıner tasymaldaıtyn NCL Salten kemesi turǵyn úı janynda saıaz jerge turyp qaldy, dep habarlaıdy BBC.

Keme jergilikti turǵyn Iohan Helbergtiń úıinen birneshe metr jerdegi baqqa kelip toqtaǵan. Bul ýaqytta Helberg eshteńe sezbeı uıyqtap jatqan. Ony aldymen esigin qaǵyp, eshkim shyqpaǵan soń telefonmen habarlasqan kórshisi oıatqan. Ol kemeniń úlken jyldamdyqpen úıge qaraı kele jatqanyn kórgen.

- Qońyraý shalǵan kezde men esikti ashqym kelmegen edi, óıtkeni ýaqyt tym erte bolatyn, - dedi Helberg jýrnalısterge.

Shamamen saǵat 06:30-dyń kezinde oqıǵa ornyna qutqarýshylar keldi. Keme bortynda 16 adam bolǵan, olardyń eshqaısysy zardap shekpegen. Kemeniń ózi saıaz jerge turyp qalǵan jáne ony evakýatsııalaý kerek.

Osyǵan deıin Araldyń túbinde qalǵan kemelerdiń qaıda ketkeni týraly jazdyq.